Mobile menu

دەزگای (GIZ) ی ئەڵمانی سوپاسی دەزگای خێرخوازیی بارزانی دەکات لە بەرامبەر سەرکەوتنی پڕۆژەیەکی هاوبەشدا

p1b4o5s0ei1tv213061m3h1lf08h64

 

 

دەزگای (GIZ)ی ئەڵمانی کە سەر بە وەزارەتی دەرەوەی دەوڵەتی فیدڕاڵی ئەڵمانیایە، لە نامەیەکی رەسمیدا ئەنجامی سەرکەوتنی پڕۆژەیەکی هاوبەش لەگەڵ دەزگای خێرخوازیی بارزانی رادەگەیەنێت و کارەکانی دەزگاکە بەرز دەنرخێنێت و سوپاسی دەزگاکە دەکات لە بەرامبەر سەرکەوتنی ئەو پڕۆژە هاوبەشەدا کە لە ساڵی ٢٠١٦دا ئەنجامدراوە.

 

gizlogo unternehmen de rgb 72

 

لە نامەیەکی رەسمیدا کە دەزگای (GIZ) ئەڵمانی ئاڕاستەی دەزگای خێرخوازیی بارزانی کردووە، دەستخۆشی لە دەزگای خێرخوازیی بارزانی دەکات بەهۆی جێبەجێکردنی پڕۆژەیەکی هەلی کار کە لە مانگی نۆڤەمبەر و دیسەمبەری ساڵی پاردا ئەنجامدراو ستایشی کاری پڕۆفیشناڵانەی ستافی دەزگاکە دەکات لەو پڕۆژە هاوبەشەدا. پرۆژەکە بریتی بوو لە نۆژەنکردنەوەی ٢٧ قوتابخانەی بنەڕەتی لە هەردوو پارێزگای هەولێر و دهۆک و لە ڕێگەی پرۆژەکەوە هەلی کار بۆ ماوەی ٤٠ رۆژ بۆ ١٢٠٠ کەس لە هەرسێ کۆمەلکەی کوردستان (خەڵکی خۆماڵی و ئاوارەو پەنابەر). ژمارەی سوودمەندانی راستەوخۆی پڕۆژەکەی هەلی کار ١٢٠٠ کەس بوو ژمارەی سوودمەندانی ناڕاستەوخۆ لە قوتابیان و مامۆستایان لەو ٢٧ قوتابخانەیەی کە لەڕێگەی پڕۆژەکەوە لە هەولێرو دهۆک نۆژەنکرانەوە گەیشتە ٩٤٥٠. لە درێژەی نامەکەی دەزگای GIZ دا هاتووە کە 'ئاستی بەرزی ئەزموونی ئێوە جێگەی بایەخی ئێمەیە'.

 

 

شایەنی باسە ئەو پڕۆژەیە دەزگای (GIZ)ی ئەڵمانی یەکێک بوو لە گەورەترین پڕۆژەکانی ئەو دەزگایە کە لە هەرێمی کوردستاندا بە هاوکاری دەزگای خێرخوازیی بارزانی ئەنجامدراو بەسەرکەوتوویی لە مانگی دیسەمبەری ٢٠١٦دا کۆتایی پێهات. بە لەبەرچاوگرتنی باری ئابووری هەرێمی کوردستان، پڕۆژەکە بایەخێکی ئابووری بەرچاوی هەبوو لە هاوکاریکردنی بواری پەروەردەو دابینکردنی داهاتێکی گونجاو بۆ ژماریەکی زۆر لە لاوان لە ماوەیەکی دیاریکراودا. 

 

p1b4o5s0ei1uc8i317k8rd5dm6