هاوکاری زیاتر گەیەندرایە بەری راستی نەینەوا

دەزگای خێرخوازیی بارزانی هەڵمەتێکی بەرفراونی هاوکارییەکانی بۆ بەری راستی نیەنەوا لە کاتێکدا بەڕێوەبرد کە هێشتا شەڕ لە کۆڵانەکانی ئەو بەشەی نەینەوادا بەردەوامە.

 

رێکەوتی ٣/٥/٢٠١٧ تیمەکانی دەزگای خێرخوازیی بارزانی سەرەڕای بوونی شەڕ لە بەری راستی نەینەوادا هاوکاری خۆراکییان بە هەماهەنگی دەوڵەتی کوێت بۆ ٢٥٠٠ خێزانی شارەکە دابین کرد.

 

 

جێگای ئاماژەیە هەتا ئێستا بەری راستی نەینەوا لەلایەن هێزە عێراقییەکانەوە بەتەواوی کۆنترۆڵ نەکراوەتەوە و شەڕ لە کۆڵانەکانی شارەکەدا بەردەوامە.

 

 

بارودۆخی ژیانی خێزانەکانی دانیشتووی بەری راستی نەینەوا بەهۆی شەڕ و ئاڵۆزییەکانەوە نالەبارە و بەدەست کەوتنی پێداویستییەکانی ژیان لەو شارەدا ئەستەمە و دەزگای خێرخوازیی بارزانی بەشێک لە پێداویستییەکانی ئەو خێزانانە پڕ دەکاتەوە.