لە هەردوو بەری راست و چەپی نەینەوا ٢٥٠٠ خێزان هاوکاری دەکرێن

دەزگای خێرخوازیی بارزانی هەڵمەتێکی بەرفراونی هاوکارییەکانی بۆ هەر دوو بەری راست و چەپی نەیەنەوا لە کاتێکدا بەڕێوەبرد کە هێشتا شەڕ لە بەشێک لە کۆڵانەکانی نەینەوادا بەردەوامە و تیمەکانی دەزگای خێرخوازیی بارزانی بێ گوێدانە مەترسییەکان هاوکاری خۆراکییان بەهەماهەنگی دەوڵەتی کوێت گەیاندە ٢٥٠٠ خێزان.

 

ئەمڕۆ رێکەوتی ٩/٥/٢٠١٧ تیمەکانی دەزگای خێرخوازیی بارزانی سەرەڕای بوونی شەڕ لە بەری راستی نەینەوادا هاوکاری خۆراکییان بە هەماهەنگی دەوڵەتی کوێت بۆ ٢٥٠٠ خێزانی شارەکە لە هەردوو بەری راست و چەپ دابین کرد.

 

جێگای سەرنجە لە دەستپێکی مانگی پێنجەوە هەتا ئێستا هاوکاری خۆراکی بۆ ٥٠٠٠ خێزانی ناو سەنتەری نەینەوا دابین کراوە، دانیشتووانی شاری نەینەوا بە هۆی شەڕ و ئاڵۆزییەکانەوە لە بارودۆخێکی خراپ دان و کەمترین پێداویستییە خۆراکییەکان لەو شارەدا دەست دەکەوێت و دەزگای خێرخوازیی بارزانی بەشێک لە پێداویستییەکانی ئەو خێزانانە پڕ دەکاتەوە.

 

جێگای ئاماژەیە هەتا ئێستا بەری راستی نەینەوا لەلایەن هێزە عێراقییەکانەوە بەتەواوی کۆنترۆڵ نەکراوەتەوە و شەڕ لە کۆڵانەکانی شارەکەدا بەردەوامە.

 

...