Mobile menu

٩٥٠ خێزانی خورماتوو لە کەلار هاوکارییان پێشکەش دەکرێت

daquq 7.11 2

دەزگای خێرخوازیی بارزانی هاوکاری خۆراکی دەگەیەنێتە ٩٥٠ خێزانی خورماتوو کە  ئێستا لە شارەدێی رزگاری لە کەلار نیشتەجێن.

 

daquq 7.11 1 رێکەوتی ٧/١١/٢٠١٧ تیمەکانی دەزگای خێرخوازیی بارزانی پارسێلی خۆراکییان گەیاندە خێزانەکانی خورماتوو کە بە هۆی ئاڵۆزییەکانی ئەم دواییەوە ژیان و ماڵی خۆیان بە جێهێشتووە و روویان لە شارەدێی رزگاری لە کەلار کردووە.

 

لەم چالاکییەی دەزگای خێرخوازیی بارزانی‌دا ٩٥٠ خێزان پارسێلی خۆراکی وشکیان پێشکەش دەکرێت و لە داهاتوودا هاوکارییەکانی دەزگای خێرخوازیی بارزانی بۆ ئەو خێزانانە درێژەی دەبێت. بەهۆی ئاڵۆزییەکانی کەرکووک و ناوچەکانی دیکەی کوردستان بەشێکی زۆری خێزانەکان ماڵ و ژیانی خۆیان بەجێ هێشتووە و روویان لە پارێزگاکانی هەولێر و سلێمانی و ئیدارەی گەرمیان کردووە.

 

جێگای ئاماژەیە تیمە پزیشکییەکانی دەزگای خێرخوازیی بارزانی بە شێوەی گەڕۆک بەردەوام چارەسەر و پشکنینی تەندرووستی پێشکەشی هاونیشتمانیانی کەرکووک و خورماتوو و دەوربەری دەکەن، پێداویستییە تەندرووستییەکانیان بۆ پڕ دەکەنەوە.