Mobile menu

هاوکاری زیاتر پێشکەشی خێزانەکانی کەرکووک و خورماتوو دەکرێت

daratu 6.12.2017

دەزگای خێرخوازیی بارزانی بە هاوکاری دەزگای LDSی ئەمریکی پێداویستی زستانەی گەیاندە ٥٠٠ خێزانی کەرکووک و خورماتوو کە لە شارەدێی دارەتوو نیشتەجێن.

 

رێکەوتی ٦/١٢/٢٠١٧ لەگەڵ هاتنی شەپۆلێکی سەرما و سۆڵە بۆ هەرێمی کوردستان دەزگای خێرخوازیی بارزانی بە هاوکاری LDSی ئەمریکی چالاکییەکی بۆ خێزانە کەرکووکی و خورماتووییەکان بەڕێوەبرد و لەو چالاکییەدا بەتانی و پێڵاوی بەسەر ٥٠٠ خێزاندا دابەش کرد.

 

بەشێکی زۆری ئەو خێزانانەی کە بەهۆی شەڕ و ئاڵۆزییەکانەوە ماڵ و حاڵی خۆیان بەجێهێشتووە، بە هۆی سەرما و باوبۆرانەوە بارگرانییەکانی سەریان زیاتر دەکات و (دەزگای خێرخوازیی بارزانی‌)ش بەپێی توانای و  بە هەماهەنگی رێکخراوە جیهانییەکان بە پێدانی کەلوپەلی پێویست هەوڵ دەدات بەشێک لەو بارگرانییە لەسەر خێزانەکان کەم بکاتەوە.