Mobile menu

١٤٠٠ خێزانی دیکەی کەرکووک لە هەولێر هاوکاری دەکرێن

ashti 2 1

دەزگای خێرخوازیی بارزانی بە هاوکاری دەزگای LDSی ئەمریکی جلوبەرگ و بەتانی پێشکەشی ١٤٠٠  خێزانی کەرکووک کە لە پارێزگای هەولێر نیشتەجێن دەکات.

 

ashti 2 رێکەوتی ١٨/١٢/٢٠١٧ دەزگای خێرخوازیی بارزانی بە هاوکاری LDSی ئەمریکی بەهۆی وەرزی سەرما و سۆڵەوە چالاکییەکی بۆ خێزانە کەرکووکییەکان کە بە هۆی شەڕ و ئاڵۆزییەکانەوە و ژیان و ماڵی خۆیان بەجێهێشتووە، بەڕێوەبرد و لەو چالاکییەدا بەتانی و جلوبەرگی زستانەی بەسەر ١٤٠٠ خێزاندا دابەش کرد.

 

جێگای ئاماژەیە ئەمە سێهەم چالاکییە دەزگای خێرخوازیی بارزانی لەگەڵ LDSی ئەمریکی پێداویستی زستانە پێشکەشی خەڵکی کەرکووک دەوروبەری دەکەن.

 

بەهۆی شەڕ و ئاڵۆزییەکانەوە بەشێک لە خەڵکی کەرکووک ماڵ و حاڵی خۆیان رووە و پارێزگاکانی دیکەی کوردستان بەجێهێشتووە، وەرزی سەرما و سۆڵە بارگرانییەکانی سەریان زیاتر دەکات و (دەزگای خێرخوازیی بارزانی‌)ش بەپێی توانای و  بە هەماهەنگی رێکخراوە جیهانییەکان بە پێدانی کەلوپەلی پێویست هەوڵ دەدات بەشێک لەو بارگرانییە لەسەر خێزانەکان کەم بکاتەوە.