Mobile menu

قوتابیانی فاکەڵتی زانست و پەروەردە و پەیمانگای تەکنیکی ئاکرێ هاوکاری دەکرێن

akre bcf 7.3.2018 1

پڕۆژەی دابەشکردنی هاوکاری بەسەر قوتابییان لە سەرتاسەری کوردستاندا بەردەوامە و تیایدا دەزگای خێرخوازیی بارزانی هاوکاری گەیاندە ٣٠٠٠ قوتابی ٥٤٢ ژووری بەشەناوخۆییەکانی فاکەڵتی زانست و پەروەردە و پەیمانگای تەکنیکی لە ئاکرێ.

 

akre bcf 7.3.2018 2 رێکەوتی ٦/٣/٢٠١٨ لە درێژەی پرۆژەی هاوکاریکردنی قوتابییان لە سەرتاسەری کوردستان، دەزگای خێرخوازیی بارزانی قوتابیانی بەشەناوخۆیی کچان و کوڕانی پەیمانگای ئاکرێ و فاکەڵتی زانست و پەروەردەی لەو شارە بەسەر کردەوە و  لەو چالاکییانەدا ٣٠٠٠ قوتابی بەشەناوخۆییەکان هاوکاری خۆراکی و تەندرووستیان وەرگرت.

 

جێگای ئاماژەیە دەزگای خێرخوازیی بارزانی ساڵانە لە یادی لە دایک بوون و کۆچی دوایی باوکی رۆحیی نەتەوەی کورد (بارزانیی نەمر) پرۆژەی هاوکاریکردنی چین و توێژە جیاوازەکانی کوردستان رادەگەیەنێت و بۆ ئەمساڵ پرۆژەی هاوکاریکردنی سەرجەم قوتابییانی بەشەناوخۆییەکانی کوردستان بەڕێوەدەبات کە تیایدا ٤٦٩٧٦ قوتابی سودمەند دەبن.