Mobile menu

٥٠٠ خێزانی خورماتوو لە هەولێر پێداویستی خۆراکی وەردەگرن

Hawler 10.4.2018 5

دەوڵەتی کوێت بە هاوبەشی لەگەڵ دەزگای خێرخوازیی بارزانی هاوکاری خۆراکیی بۆ ٥٠٠ خێزانی ئاوارەی خورماتوو کە لە شاری هەولێر نیشتەجێن دابین کرد.

 

ئەمرۆ سێشەممە رێکەوتی ١٠/٤/٢٠١٨ دەزگای خێرخوازیی بارزانی و دەوڵەتی کوێت چالاکییەکیان لە پارێزگای هەولێر بەمەبەستی دابین کردنی بەشێک لە پێداویستی خۆراکی ئاوارەکانی خورماتوو بەڕێوەبرد و تیایدا هاوکاری ٥٠٠ خێزان کرا.

 

ئاوارەکان لە دۆخێکی خراپی ئابووریدا لە هەولێر ژیان بەڕێدەکەن و ئەم هاوکارییانە بەشێکی بەرچاوی پێداویستی رۆژانەیان پڕدەکاتەوە، داواکاربوون کە هاوکاری زیاتر بگەیەنرێت پێیان.

 

جێگای ئاماژەیە دەزگای خێرخوازیی بارزانی بووەتە پردی پەیوەندی نێوان رێکخراوە جیهانییەکان و خەڵکی لێقەوما و ئاوارە و پەنابەران لە ناوە و دەرەوەی کەمپەکاندا و هەوڵ دەدات کە زۆرترین کەس لە هاوکارییەکانی سودمەند ببن.