لە ساڵیادی کارەساتی بۆردومانی قەڵادزێ هاوکاری ٣٠٠ خێزان دەکرێت
Mobile menu

لە ساڵیادی کارەساتی بۆردومانی قەڵادزێ هاوکاری ٣٠٠ خێزان دەکرێت

slemani 25.4.2018

دەزگای خێرخوازیی بارزانی لە ساڵیادی بۆردومانی قەڵادزێ هاوکارییەکانی بۆ خەڵکی کەمدەرامەت لە شاری قەڵادزێ دابین کرد و تیایدا پارسێلی خۆراک و تەندرووستی بەسەر ٣٠٠ خێزانی هەژار و کەمدەرامەتی شارەکە دابەش کرد.

 

رێکەوتی ٢٤/٤/٢٠١٨ چلوچوار ساڵ بەسەر کارەساتی بۆردومان کردنی قەڵادزێدا تێپەڕ دەبێت و لەو یادەدا هاوکارییەکانی دەزگای خێرخوازیی بارزانی بەمەبەستی پاڵپشتی و پڕکردنەوەی پێداویستی خێزانە هەژار و کەمدەرامەتەکان، گەیەندرایە ٣٠٠ خێزانی هەژار و کەمدەرامەت لە قەڵادزێ.

 

لە چالاکییەکەدا پارسێلی خۆراک و تەندرووستی پێشکەش بە خێزانەکان کرا کە هەر پارسێلێکی خۆراک نزیکەی ١٥ کیلۆگرام خۆراکی وشکی تێدایە.

 

ئەم هاوکارییانەی دەزگای خێرخوازیی بارزانی بۆ خەڵکی هەژار و کەمدەرامەتی هەرێمی کوردستان لە داهاتووشدا بەردەوام دەبن و تیایاندا زۆرترین خێزانی هەژار و کەمدەرامەت لە هەرێمی کوردستاندا سودمەند دەبن.