Mobile menu

پێداویستی خواردنی و پاکوخاوێنی پێشکەش بە ٢٥٠ خێزان لە هەڵەبجە دەکرێت

slemani 10.6.2018

دەزگای خێرخوازیی بارزانی لە مانگی رەمەزانی پیرۆزدا چەندین پرۆژەی خێرخوازیی بەمەبەستی هاوکاری کردنی هەژاران و کەمدەرامتان بەڕێوەدەبات و لە درێژەی ئەو پرۆژاندە پێداویستی گەیاندە ٢٥٠ خێزانی هەژار و کەمدەرامەتی  شارۆچکەی شارەزوور لە پارێزگای هەڵەبجە.

 

رێکەوتی ٧/٦/٢٠١٨ ئۆفیسی دەزگای خێرخوازیی بارزانی لە سلێمانی بەمەبەستی هاوکاری گەیاندن بە هەژاران و کەمدەرامەتانی پارێزگای هەڵەبجە، گەیشتنە سنوری ئەو پارێزگایە و لە پرۆژەیەکدا پارسێلی خۆراک و پێداویستی خاوێنکەرەوەیان بەسەر ٢٥٠ خێزانی شارۆچکەی شارەزووردا دابەش کرد.

 

جێگای ئاماژەیە دەزگای خێرخوازیی بارزانی لە مانگی رەمەزانی پیرۆزدا لە چەندین پرۆژەی هاوشێوەدا بە سپۆنسەری وڵاتانی کوێت و ئیمارات و رێکخراو و ناوەندە جیهانی و ناوچەییەکان، هاوکاری ئاوارە و پەنابەران و خەڵکی هەژار و کەمدەرامەت لە سنوری هەرێمی کوردستاندا دەکات.