Mobile menu

هاوکارییەکانی دەزگای خێرخوازیی بارزانی دەگاتە شارەدێی بیارە

biyara 10.6.2018

لە درێژەی کارە خێرخوازییەکانی دەزگای خێرخوازیی بارزانیدا، هاوکارییەکان دەگەیەنرێنە ناوچە دوورە دەستەکانی کوردستان و لە شارەدێی بیارە هاوکاری ٢٥٠ خێزانی هەژار و کەمدەرامەت دەکرێت.

 

ئەمڕۆ ٢٥ـەمین رۆژی رەمەزانی پیرۆز رێکەوتی ١٠/٦/٢٠١٨ کاروانێکی هاوکارییەکانی دەزگای خێرخوازیی بارزانی گەیشتە شارەدێی بیارەی سەربە پارێزگای هەڵەبجە. لەم پرۆژەیەی دەزگای خێرخوازیی بارزانی‌دا پێداویستی خۆراکی و تەندرووستی پێشكەشی ٢٥٠ خێزانی هەژار و کەمدەرامەت کرا.

 

سۆران خەلەف بەرپرسی ئۆفیسی سلێمانی دەزگای خێرخوازیی بارزانی، سەبارەت بە کاروچالاکییەکانی دەزگا لەو ناوچەیەدا گوتی:'' ئێمە وەکوو دەزگای خێرخوازیی بارزانی هەوڵمان داوە لەگەڵ نزیکبوونەوەی جەژنی رەمەزانی پیرۆز بەشێک لە پێداویستییە هەرە گرنگەکانی خێزانە هەژار و کەمدەرامەتەکان دابین بکەین و هەر بۆیەش لە دوو چالاکییدا لە شارەدێی بیارە و شارۆچکەی شارەزوور هاوکاری ٥٠٠ خێزانمان کردووە''.

 

جێگای ئاماژەیە دەزگای خێرخوازیی بارزانی پێنجشەممەی بەرێ لە شارۆچکەی شارەزوور هاوکاری خۆراکی و تەندرووستی پێشکەش بە ٢٥٠ خێزان کردبوو.