Mobile menu

٣٥٠ خێزانی دیکەی کەرکووک لە هەولێر هاوکاری دەکرێن

kirkukidps 27 6 2018

دەزگای خێرخوازیی بارزانی لە درێژەی پرۆژە خێرخوازییەکانیدا هاوکاری خۆراکی و تەندرووستی گەیاندە ٣٥٠ خێزانی کەرکووک کە لە پارێزگای هەولێر نیشتەجێن.

 

ئەمڕۆ چوارشەممە رێکەوتی ٢٧/٦/٢٠١٨ تیمەکانی دەزگای خێرخوازیی بارزانی هاوکاری خۆراکی و تەندرووستیان پێشکەش ٣٥٠ خێزانی کەرکووکی لە پارێزگای هەولێر کرد و لەم پرۆژە خێرخوازییەی دەزگادا زیاتر لە ٢٠٠٠ کەس سودمەند بوون.

 

دوای تێپەڕینی زیاتر لە ٦ مانگ بەسەر ئاوارەبوونی کوردانی کەرکووک و دەوروبەری بەهۆی شەڕ و ئاڵۆزییەکانەوە، بەشێکی زۆری خێزانەکان هێشتا لە پارێزگای هەولێر ماونەتەوە و ناتوانن بگەڕێنەوە بۆ سەر ماڵ و ژیانی خۆیان.

 

جێگای ئاماژەیە لەیەکەم رۆژی هاتنی بە کۆمەڵی خەڵکی کەرکووک بۆ هەولێر دەزگای خێرخوازیی بارزانی بەدەمییانەوە رۆشتووە و پێداویستییە هەرە گرنگەکانی لە سەرەتادا بۆ دابین کردوون و پاشان لە رێگەی ناونووسینیانەوە، بە میکانزیمێکی رێک و پێک هاوکارییەکانییان پێشکەش کراوە.