Mobile menu

٥ تەن گۆشت بەبۆنەی جەژنی قوربانەوە پێشكەشی ئاوارەکان دەکرێت

khazr 1.9.2017

دەزگای خێرخوازیی بارزانی بە سپۆنسەری (الامانة العامة الاوقاف دولة الکویت) و گرووپی (حملة شعاع) بەبۆنەی جەژنی قوربانەوە زیاتر لە ٥ تەن گۆشتی سووری کە بۆ قوربانی کرابوون، پێشکەش ئاوارەکانی لە کەمپی خازر دەکات.

 

بەرەبەیانی یەکەم رۆژی جەژنی قوربان رێکەوتی ١/٩/٢٠١٧ دەزگای خێرخوازیی بارزانی یەکەم قوربانی ئەمساڵی جەژنی لە بەڕێوەبەرایەتی گۆشتگەی هەولێر کرد و تیایدا زیاتر لە ٥ تەن گۆشتی سوور ئامادە کران.

 

دوابەدوای ئامادەکردنی گۆشتەکە تیمەکانی دەزگای خێرخوازیی بارزانی هەڵمەتی دابەشکردنی بەسەر ئاوارەکانی کەمپی خازردا دەستپێ دەکەن، لەو چالاکییەدا ٣٣٥٥ خێزانی ئاوارە گۆشتی قوربانییان پێشکەش دەکرێت.

 

جێگای ئاماژەیە دەزگای خێرخوازیی بارزانی بە سپۆنسەری  (الامانة العامة الاوقاف دولة الکویت) و گرووپی (حملة شعاع) بەو چالاکییە هەستاوە.

 

شایانی باسە هەر لەهەمان رۆژدا دەزگای خێرخوازیی بارزانی و مانگی سوری ئیماراتی بەبۆنەی جەژنی قوربانی پیرۆزەوە گوشتی قوربانی بەسەر ١٨١٠ خێزانی ئاوارەکانی کەمپی دیبەگەدا دابەش دەکەن.

 

دەزگای خێرخوازیی بارزانی بە درێژایی رۆژانی جەژنی قوربان بەردەوام دەبێت لە چالاکییە خێرخوازییەکانی و هەوڵ دەدات زۆرترین خێزانی کەمدەرامەت و ئاوارە و پەنابەر لە هاوکارییەکان سودمەند ببن.