Mobile menu

٥ هەزار خێزانی دیکە لە شنگال هاوکاری دەکرێن

SHNGAL 11.10

دوابەدوای دەستپێکی هەڵمەتی هاوکارییە خۆراکییەکانی دەزگای خێرخوازیی بارزانی بە هەماهەنگی وەزارەتی کۆچ و کۆچبەرانی عێراقی ٥ هەزار خێزانی دیکەی لە شنگال هاوکاری دەکرێن.

 

رێکەوتی ١٠/١٠/٢٠١٧ دەزگای خێرخوازیی بارزانی کاروانێکی دیکەی هاوکارییەکانی گەیاندە ئاوارەکان لە شنگال و لەم چالاکییەیدا ٥ هەزار خێزانی ئاوارە بە هەماهەنگی وەزارەتی کۆچ و کۆچبەرانی عێراقی لە کۆمەڵگەکانی (خانەسور   دگورێ) و شارەدێی سنونێ سوودمەند دەبن.

 

ئەم چالاکییە سێیەمین چالاکیی دەزگای خێرخوازیی بارزانییە لە ماوەی حەوتوویەکدا کەلە شنگال بەڕێوەی دەبات و لە کۆی هەر سێ چالاکییەکە ١٣ هەزار ئاوارە پێداویستی خۆراکییان پێشکەش کراوە.

 

جێگای ئاماژەیە دەزگای خێرخوازیی بارزانی هاوکاری جۆراوجۆر بە هەماهەنگی رێکخراو و ناوەندە جیهانی و ناوچەییەکان پێشکەشی ئاوارە و پەنابەران دەکات و تەنیا لە ماوەی مانگی نۆدا هاوکاری خۆراکی پێشکەشی ١٠٥٣٣٦ (سەد و پێنج هەزار و سێ سەد و سی و شەش) خێزان کردووە.