Mobile menu

٣ هەزار خێزانی ئاوارە لە شنگال هاوکاری دەکرێن

Shngal 14.10

چوارەمین کاروان هاوکاریییەکان لە ماوەی دوو حەوتوودا لەلایەن دەزگای خێرخوازیی بارزانی و وەزارەتی کۆچ و کۆچبەرانی عێراقی پێشکەشی ئاوارەکان لە شنگال و دەوروبەری دەکرێت.

 

رێکەوتی ١٤/١٠/٢٠١٧ دەزگای خێرخوازیی بارزانی کاروانێکی دیکەی هاوکارییەکانی بە هاوکاری وەزارەتی کۆچ و کۆچبەرانی عێراقی دەگەیەنێتە ئاوارەکان لە شنگال و ٣ هەزار خێزانی ئاوارە پێداویستییە خۆراکییەکانیان پێشکەش دەکرێت.

 

ئەم چالاکییە چوارەمین چالاکیی دەزگای خێرخوازیی بارزانییە لە ماوەی  دوو حەوتوودا کەلە شنگال بەڕێوەی دەبات و لە کۆی هەر چوار چالاکییەکە ١٦ هەزار ئاوارە پێداویستی خۆراکییان پێشکەش کراوە.

 

جێگای ئاماژەیە دەزگای خێرخوازیی بارزانی هاوکاری جۆراوجۆر بە هەماهەنگی رێکخراو و ناوەندە جیهانی و ناوچەییەکان پێشکەشی ئاوارە و پەنابەران دەکات و تەنیا لە ماوەی مانگی نۆدا هاوکاری خۆراکی پێشکەشی ١٠٥٣٣٦ (سەد و پێنج هەزار و سێ سەد و سی و شەش) خێزان کردووە.