Mobile menu

لە رۆژی جیهانی دەست شۆردندا سمینارێک بۆ ئاوارەکان پێشکەش دەکرێت

Hassansham15.10 1

هەموو ساڵێک لە رۆژی جیهانی دەست شۆردندا زیاتر لە ٢٠٠ ملیۆن کەس لە ١٠٠ وڵاتی جیاوازەوە چالاکی جۆراوجۆر بەڕێوەدەبەن و ئەمساڵیش دەزگای خێرخوازیی بارزانی لە ناو ئاوارەکاندا سمینارێکی بەو بۆنەیەوە بەڕێوەبرد.

 

Hassansham15.10 2 ئەمڕۆ رێکەوتی ١٥/١٠/٢٠١٧ لە زیاتر لە ١٠٠ وڵاتی جیهاندا وەکوو رۆژی جیهانی دەست شۆرد یادی لێوە دەکرێتەوە و بەو مەبەستەش دەزگای خێرخوازیی بارزانی سمینارێکی لەسەر چۆنیەتی خاوێن هێشتنەوەی دەستەکان و بەکارهێنانی خاوێنکەرەوەکان بۆ ئاوارەکانی حەسەنشام بەڕێوەبرد.

 

مەبەست لە رۆژی جیهانی دەست شۆردن بۆ هاندانی گەورە و منداڵانە لە خاوێن هێشتنەوەی دەستەکانیان و رێگری کردن لە بڵاوبوونەوەی جۆرەها نەخۆشی کە لە رێگەی دەستەوە بڵآو دەبنەوە.

 

بۆ یەکەم جار رۆژی جیهانی دەست شۆردن لە ساڵی ٢٠٠٨ بەڕێوەچوو کە تیایدا زیاتر لە ١٢٠ منداڵ لە ٧٠ وڵاتی جیاوازدا دەستەکانیان بە خاوێنکەرەوەکان دەشۆن.