Mobile menu

ئاوارەکان لە کەمپی حەسەنشام جۆرەها هاوکاری وەردەگرن

hassansham 14.11.2017

دەزگای خێرخوازیی بارزانی بە هاوکاری وەزارەتی کۆچ و کۆچبەرانی عێراقی (پارسێلی خۆراک، پێداویستی تەندرووستی و نەوت) بۆ خێزانە ئاوارەکانی کەمپی حەسەنشام دابەش دەکات.

 

رێکەوتی ١٣/١١/٢٠١٧ لە درێژەی کاروچالاکییەکانی دەزگای خێرخوازیی بارزانی لە کەمپی حەسەنشام، بەهاوکاری وەزارەتی کۆچ و کۆچبەرانی عێراقی نەوت بەسەر ٢٧٧٣ خێزانی کەمپەکەدا دابەش دەکرێت، کە هەر خێزانێک بڕی ٤٠ لیتر نەوتی پێشکەش دەکرێت.

 

هەر لە درێژەی چالاکییەکانی ئەو رۆژەدا دەزگای خێرخوازیی بارزانی و وەزارەتی کۆچ و کۆچبەرانی عێراقی پارسێلی خۆراک و پێداویستی تەندرووستی پێشکەشی ٢٦٦٣ خێزانی کەمپی حەسەنشام دەکەن.

 

کەمپی حەسەنشام دەکەوێتە سنوری پارێزگای نەینەوا و لەلایەن دەزگای خێرخوازیی بارزانی‌یەوە بەڕێوەدەبرێت، دانیشتوانی ئەم کەمپە ئاوارەکانی موسڵ و دەوروبەریین کە بەهۆی شەڕی تیرۆریستانی داعشەوە ناچار بە بەجێ هێشتنی ماڵ و ژیانی خۆیان بوون.