Mobile menu

لەکەمپەکانی حەسەنشامدا جۆرەها هاوکاری پێشکەشی ئاوارەکان دەکرێت

Hassansham 11.1.2018

لە هەردوو کەمپی حەسەنشام U2 و حەسەنشام U3 دەزگای خێرخوازیی بارزانی  بە هاوکاری رێکخراوەکانی هانا و رابیتەی ئیسلامی چەندین چالاکی بۆ خزمەتکردنی ئاوارەکانی ئەو کەمپە بەڕێوەبرد.

 

ئەمرۆ پێنجشەممە رێکەوتی ١١/١/٢٠١٨ تیمەکانی دەزگای خێرخوازیی بارزانی پێداویستیی خۆراکی و جلوبەرگیان بەسەر ٣٠٠ خێزانی ئاوارەی کەمپی حەسەنشام U2 دابەشکرد، کە هاوکارییەکان لە لایەن رێکخراوی هانای خێرخوازییەوە دابین کرابوون.

 

هەر ئەمرۆ لە دوو چالاکی دیکەدا تیمەکانی دەزگای خێرخوازیی بارزانی و رابیتەی ئیسلامی جلوبەرگیان و بێشکەی منداڵانیان پێشکەش بە ٢٠٠ خێزانی کەمپی حەسەنشام U3 کرد.

 

کەمپەکانی حەسەنشام U2  و حەسەنشام U3 دەکەونە سنووری پارێزگای نەینەوا و تایبەتن بە ئاوارە عێراقییەکانی ئەو پارێزگایە و دەوربەری. سەرجەم کەمپەکانی سنوری شارەدێی حەسەنشام لەلایەن دەزگای خێرخوازیی بارزانی‌یەوە بەڕێوەدەبرێن.