٢١٠ هەزار لیتر نەوت لە کەمپی خازر دابەش دەکرێت
Mobile menu

٢١٠ هەزار لیتر نەوت لە کەمپی خازر دابەش دەکرێت

KHazr 17.1.2017

دەزگای خێرخوازیی بارزانی بە هەماهەنگی وەزارەتی کۆچ و کۆچبەرانی عێراقی نەوتی سپییان پێشکەش بە  ٢٥٨٠ خێزانی ئاوارەی کەمپی خازر کرد.

 

رێکەوتی ١٦/١/٢٠١٧ چالاکییەک لەلایەن دەزگای خێرخوازیی بارزانی و وەزارەتی کۆچ و کۆچبەرانی عێراقی لە کەمپی خازر بەرێوەچوو، لە چالاکییەکەدا ٢١٠ هەزار لیتر نەوت پێشکەشی ٢٥٨٠ خێزان کرا، بە کۆی گشتی ١٢٧٢٠ کەس کە ٦٤٢١ کەسیان ئافرەتن لەو چالاکییە سودمەند دەبن.

 

لە وەرزی زستاندا بارودۆخی ژیان لە ناو کەمپەکاندا ئاڵۆزتر دەبێت و تاکە سەرچاوەی سوتەمەنی بۆ خێزانەکان ئەو هاوکارییانەن کەلەلایەن رێکخراوە خێرخوازییەکانەوە دابەش دەکرێت. دەزگای خێرخوازیی بارزانی بە هەماهەنگی ناوەند و رێکخراوە ناوچەیی و جیهانییەکان هەوڵدەدات بەشێک لە پێداویستییەکانی خێزانە ئاوارەکان پڕ بکاتەوە.