Mobile menu

٥٤ هەزار لیتر نەوت لە کەمپی دیبەگە٢ دابەش دەکرێت

dibaga camp 20.2.2018

دەزگای خێرخوازیی بارزانی بە هەماهەنگی وەزارەتی کۆچ و کۆچبەرانی عێراقی نەوتی سپییان پێشکەش بە ٢٧٠ خێزانی ئاوارەی کەمپی دیبەگە٢ کرد.

 

ئەمرۆ سێشەممە رێکەوتی ٢٠/٢/٢٠١٨ چالاکییەک لەلایەن دەزگای خێرخوازیی بارزانی و وەزارەتی کۆچ و کۆچبەرانی عێراقی لە کەمپی دیبەگە٢ بەڕێوەچوو، لە چالاکییەکەدا ٥٤ هەزار لیتر نەوت پێشکەشی ٢٧٠ خێزان کرا، کەهەر خێزانێک بڕی ٢٠٠ لیتر نەوتی وەرگرت.

 

لە وەرزی زستاندا بارودۆخی ژیان لە ناو کەمپەکاندا ئاڵۆزتر دەبێت و تاکە سەرچاوەی سوتەمەنی بۆ خێزانەکان ئەو هاوکارییانەن کەلەلایەن رێکخراوە خێرخوازییەکانەوە دابەش دەکرێت. دەزگای خێرخوازیی بارزانی بە هەماهەنگی ناوەند و رێکخراوە ناوچەیی و جیهانییەکان هەوڵدەدات بەشێک لە پێداویستییەکانی خێزانە ئاوارەکان پڕ بکاتەوە.