Mobile menu

٧٦٢ خێزانی ئاوارە جلوبەرگ وەردەگرن

dibaga 1 17.4.2018

کەنیسەی کاسۆلیکی شاری تۆیفن لە سویسرا لە رێگای دەزگای خێرخوازیی بارزانی هاوکاری و جلوبەرگی بۆ ٧٦٢ خێزانی ئاوارە لە کەمپی دیبەگە یەک لە پارێزگای هەولێر دابین کرد.

 

رێکەوتی ١٧/٤/٢٠١٨ دەزگای خێرخوازیی بارزانی و کەنیسەی کاسۆلیکی لە شاری تۆیفن لە سویسرا پرۆژەیەکیان بۆ هاوکاری کردنی ئاوارەکان لە کەمپی دیبەگەدا بەڕێوەبرد و تیایدا هاوکاری و جلوبەرگیان پێشکەش ٧٦٢ خێزانی ئاوارە کرد.

 

 

لە پرۆژەکەدا ٧٦٢ کیسەی جلوبەرگ پێشکەش بە ٧٦٢ خێزان کرا کە تیایدا ٤٠٠٧ ئاوارە سودمەند بوون. هەروەها پێداویستی ئافرەتان پێشکەش بە ٧٦٢ ئافرەت کرا. هەر لە چوار چێوەی پرۆژەکەدا دەزگای خێرخوازیی بارزانی و کەنیسەی کاسۆلیکی شاری تۆیفن لە سویسرا یاری منداڵانیان پێشکەش بە ١٤٢ منداڵ کرد.

 

جێگای ئاماژەیە دەزگای خێرخوازیی بارزانی بووەتە پردی پەیوەندی نێوان رێکخراوە جیهانییەکان و خەڵکی لێقەوماو و ئاوارە و پەنابەران لە ناوە و دەرەوەی کەمپەکاندا.