Mobile menu

ده‌زگەھا خێرخوازییا بارزانی هاریكاریا لێقه‌ومیێن سه‌ر چیایێ شه‌نگالێ كر

SHNGAL 17.5.2018

دەهان جورە كه‌لوپه‌ل و خۆراك و پێدڤیان گەھانده‌ لێقه‌وماوان

 

بەهۆكارا شەپۆلێکا باران بارینێ کو هەرێما کوردستانێ گرت، لەھییێ ل زۆربەیا ناڤچەیێن کوردستانێ زیانا ماددی و جانی پێکھات. ب هەمان ئاوایی ناڤچەیێن دنێ ل سەر چیایێ شنگالێ لەھیێ زەرەر و زیانێکا مەزن گەھاندە ئاوارەیێن ئێزیدی و رەوشا ژیانا وان تێکدا، زێدەترێ ئاوارەیان نەچاربون كۆن و چادرگەھێن خوە بجیھبهێڵن.

 

پشتی وێ روودانا سروشتییا ل ‌سه‌ر چیایێ شه‌نگالێ (كه‌مپا سه‌رده‌شت) روودا، ده‌زگەھا خێرخوازییا بارزانی د دەما ده‌ركرنا به‌یاننامه‌یه‌كدا داخوازا گه‌ھاندنا هاركاریا به‌لەز بۆ ئاوارەیێن سه‌ر چیایێ شه‌نگالێ كر و ئاماده‌ھیا تەڤاھی نیشاندا بۆ گەھاندنا هاریكاریان بۆ سه‌ر چیایی‌، لێ بەلێ هەتا نھا کونسوڵخانه‌یا وڵاتێ كوێتێ ل هه‌رێما كوردستانێ ل سەر بانگه‌وازییا ده‌زگەھا خێرخوازییا بارزانی ڤە هات و ئامادەھیێ نیشاندا هەڤكارێ ئاوارەیێن سه‌ر چیا بكە.

 

ده‌زگەھا خێرخوازییا بارزانی رێكه‌ڤتا ١٦/٥/٢٠١٨ كاروانێكا پڕ ل هاریكاریا خۆرەك و پێدڤیێن ناڤماڵێ گه‌ھانده‌ سه‌ر چیایێ شه‌نگالێ و ل ‌سه‌ر لێقه‌ومیێن لەھیا سه‌ر چیا دا دابه‌شكر كو‌ ھژماراوان نێزیكه‌ی (٥٠٠) خێزانە.

 

ل هاریكاریان دا دەوڵەتا کوێتێ ١٠٠٠ کارتۆن خۆراکا ھشک بۆ ئاوارەیان دابین کر و هاریكاریێن دن (١٠٠٠ دۆشەک، ٢٠٠٠ بەتانی و ١٠٠٠ سێت کەلوپەلێت مەتبەخێ) ژ لایێ دەزگەھا خێرخوازییا بارزانی ڤە پێشکێشی ئاوارەیان کر.

 

دەزگەھا خێرخوازییا بارزانی ئامادەھیا تەڤاھی هەیە بۆ گەھاندنا هاریکاریان ل هەر رەوشەكە ل نشكاڤە چ مرۆڤ کر و چ سروشتیێ، و تیمێن وێ هەردەم ئامادەنە بۆ رووبڕوبونا رەوشێن نەخواستی.

 

چیایێ شنگالێ دکەڤیتە ئیدارەیا پارێزگەھا نەینەوا و پشتی هێرشا تیرۆریستێن داعش یا شارۆچکەیا شنگالێ، ئاكنجیێن شارۆچکەیێ کو کوردێن ئێزیدینە ئاوارەیا سەر چیایێ شنگالێ بوون و ژ وێ دەمێ ڤە هەتا نھا ل ناڤ كۆناند دە ژیانا خۆ بەسەر دەبەن.