Mobile menu

٧٥ منداڵی بێباوک لە کوردستان دیارییان پێشکەش دەکرێت

AZIZAn 7.10 1

دەزگای خێرخوازیی بارزانی مەراسیمێک بەمەبەستی هاوکاریکردنی ٧٥ منداڵی بێباوک لە هەولێر بەڕێوەدەبات کە هاوکارییەکان لەلایەن خێرخوازێکی کوردستانەوە دابین کراون.

 

رێکەوتی ٧/١٠/٢٠١٧ بە ئامادەبوونی موسا ئەحمەد سەرۆکی دەزگای خێرخوازیی بارزانی هاوکاری دارایی پێشکەشی ٧٥ منداڵی بێباوک لە شاری هەولێردا کرا و هەر منداڵێک بڕی ٢٠٠ دۆلاری لەلایەن خێرخواز (سەروەر ساڵح پێداوی) بۆ دابین کراوە.

 

جێگای ئاماژەیە ئەم هاوکارییانە لەلایەن کەسانی خێرخوازەوە لە رێگای دەزگای خێرخوازیی بارزانی پێشکەشی منداڵانی بێباوک دەکرێت، هەروەها لە چوارچێوە پرۆژەی چاودێری ئازیزاندا دەزگای خێرخوازیی بارزانی بەردەوام هاوکاری پێشکەشی ئازیزان (منداڵانی بێباوک) دەکات هەتاکوو تەمەنی پێگەیشتن و هاوکارییەکان بەمەبەستی پاڵپشتی بۆ خێزانەکانیان و درووستکردنی داهاتوویەکی گەشتر بۆ منداڵەکانە.

 

پرۆژەی چاودێری ئازیزان بێجگە لە دابین کردنی هاوکاری ماددی بۆ منداڵەکان، بەردەوام چاودێری پەروەردەیی منداڵەکان دەکات و لە داهاتووشیاندا هەوڵ دەدات هەلیکاریان بۆ دابین بکات.

 

جێگای ئاماژەیە دەزگای خێرخوازیی بارزانی لە چوار چێوەی پرۆژەی چاودێری ئازیزاندا مانگانە هاوکاری زیاتر لە ١٧ هەزار منداڵی بێباوک لە سەرتاسەری کوردستاندا دەکات. هەروەها هاوکارییەکانی دەزگای خێرخوازیی بارزانی منداڵانی شەهیدانیش دەگرێتەوە و بەبۆنەی جەژنی رەمەزانەوە زیاتر لە ١٥٠٠ منداڵە شەهید لەلایەن دەزگای خێرخوازیی بارزانی و بە سپۆنسەری سیروان بارزانی هاوکاری ماددیان پێشکەش کرا.