Mobile menu

لە کفری و خورماتوو هاوکاری ١٠٠ ئازیز دەکرێت

garmian 9.5.2018

دەزگای خێرخوازیی بارزانی لە درێژەی هاوکارییەکانی بۆ ئازیزان لە سەرتاسەری کوردستاندا، هاوکارییەکانی بە سپۆنسەری خاوەنکار و دەوڵەمەندانی کوردستان گەیاندە ١٠٠ ئازیز شارۆچکەکانی کفری و خورماتوو.

 

رێکەوتی ٨/٥/٢٠١٨ دەزگای خێرخوازیی بارزانی لە کفری پرۆژەی چاودێری ئازیزانی بەڕێوەبرد و لە چوار چێوەی پرۆژەکەدا هاوکاری ١٠٠ ئازیزی خورماتوو و کفری کرا. لەم پرۆژەیەی چاودێری ئازیزاندا هاوکاری ٦ مانگی ئازیزان دابین دەکرێت کە دەکاتە بڕی ٣٠٠ دۆلار.

 

پرۆژەی چاودێری ئازیزان- کوردستان لە ساڵی ٢٠١٢ بە سەرپەرشتی راستەوخۆی بەڕێز مەسرور بارزانی سەرۆکی بۆردی دامەزرێنەرانی دەزگای خێرخوازیی بارزانی بە سپۆنسەری خاوەنکار و دەوڵەمەندانی کوردستان، راگەیەندرا و هەتا ئەمڕۆ بەردەوامە لە دابینکردنی موچەی مانگانە بۆ ئازیزان.