کۆمەڵێک نوێنەری رێکخراوی جیهانی سەردانی مەزاری نەمرانییان کرد

دەزگای خێرخوازیی بارزانی پێشوازیی لە نوێنەرانی ئاژانسەکانی UN و رێکخراوە جیهانییەکان کرد و پێكەوە تاجەگوڵینەیان بەبۆنەی یادی لەدایک بوونی باوكی رۆحی نه‌ته‌وه‌یی كورد(بارزانیی نەمر) لەسەر مەزاری نەمران دانا.

بارزانیی نەمر رێکەوتی ١٤ی ئازاری ١٩٠٣ چاوی بە دنیا هەڵهێناوە و لەم یادە پیرۆزەدا دەزگای خێرخوازیی بارزانی پێشوازی لە ''برۆنۆ گیدۆ'' رێکخەری گشتی UNHCR لە عێراق و ئاژانس و رێکخراوەکانی UN (UNDP، UNICEF و WFP) و رێکخراوە جیهانییەکان (LDS، Food for hungry، FRRME، ACTED، GIZ، Big Heart و فەرمانگەی پەیوەندییەکانی دەرەوە) لەسەر مەزاری نەمران کرد و پێكه‌وه‌ تاجەگوڵینەی رێز و وه‌فادارییان لەسەر مەزاری باوکی رۆحی نەتەوەیی کورد بارزانیی نەمر و كاكه‌ ئیدریسی هه‌میشه‌ له‌یاد، دانا.

رێکەوتی ١٤ی ئازاری٢٠١٧ کارمەندانی دەزگای خێرخوازیی بارزانی لە ١١٤یەمین ساڵیادی لە دایکبوونی بارزانيی نەمردا له‌ مه‌راسیمێكی گه‌وره‌دا دەڤەری بارزان و مەزاری نەمرانیان بەسەر کردەوە، لەسەر مەزاری نەمران موسا ئەحمەد سەرۆکی دەزگای خێرخوازیی بارزانی بە ناوی هەموو کارمەندانی دەزگاوە بەڵێنی وەفاداربوون بە رێبازی بارزانيی نەمری دووپاتكرده‌وه‌ و دواتر ''برۆنۆ گیدۆ'' رێکخەری گشتی UNHCR لە عێراق بارزانی نەمری بە کەسایەتییەکی گەورەی جیهانی وەسفکرد و تاجەگوڵینی لەسەر گلكۆی نه‌مران دانا.

شاندی دەزگای خێرخوازیی بارزانی و ميوانه‌كان و نوێنه‌رانی ئاژانسه‌ جیهانییه‌كان دواتر مۆنیۆمێنتی ئەنفالەکانی ده‌ڤه‌ری بارزانیان بەسەر کردەوە و  دەزگای خێرخوازیی بارزانی دواتر میوانداری لە نوێنەرانی رێکخراوەجیهانییەکان و ئاژانسەکانی UN  کرد و کۆتایی بە سەردانەکەی هێنا.