Mobile menu

دەزگای خێرخوازیی بارزانی بەشداری ئەكادیمیای نێودەوڵەتی بۆ سەركردەو گەشەپێدان لە وڵاتی توركیا دەكات

بۆ ساڵی دووەم، ئەكادیمیای نێودەوڵەتی بۆ سەركردەو گەشەپێدان (IALD) دەستپێكردنی چالاكیەكانی لە بواری گەشەپێدانی توانای رێكخراوەكانی كۆمەڵگای شارستانی رادەگەیەنێت و تیایدا 12 دەزگای كارا لە بواری كۆمەڵگای مەدەنی بەفەرمی بانگهێشتی ئەو ئەكادیمیایە لە وڵاتی توركیا كراون و دەزگای خێرخوازیی بارزانیش بانگهێشتی فەرمی كراوه‌و تێیدا (رۆندك فارس عەبدوڵڵا) بەرپرسی دیسكی داتاو زانیاری دەزگای خێرخوازیی بارزانی بەشداری تێدا دەكات و خوله‌كه‌ بۆ ماوه‌ی هه‌شت رۆژ به‌رده‌وام ده‌بێت.

چالاكیەكانی گەشەپێدانی توانای رێكخراوەكانی كۆمەڵگای شارستانی لە رۆژی 29/4/2017 دەستی پێكرد بە ناونیشانی ((خولی راهێنانی قیبلەنامەی بەهرەداران" رێڕەوەكانی بەهرەی پیشەیی و كرداری لە كاری كۆمەڵگادا")، كە بۆ ساڵی دووەم ئەنجام دەدرێت. لە لایەن ئەكادیمیای نێودەوڵەتی بۆ سەركردەو گەشەپێدان (IALD) بە پەیوەندی و هاوكاری لەگەڵ رێكخراوی سەركردە بۆ دروستكردنی تواناكان بەڕێوە دەچێت، بە بەشداری 12 دەزگای كارا لە بواری كۆمەڵگای مەدەنی.

لە رۆژانی ئەكادیمیایەكەدا دكتۆر محەمەد فەتحی شارەزا لە بواری كارگێڕی خولەكە پێشكەش دەكات بۆ ماوەی 8 رۆژ بەردەوام دەبێت. لە رۆژی یەكەمی ئەكادیمیاكەدا دكتۆر جاسم ئەلمتەوع بابەتێكی گرینگی پێشكەشكرد بە ناونیشانی (هونەری كارگێڕی ناكۆكیەكان لە كاری كۆمەڵایەتی).

سەبارەت بە خولەكانی راهێنان بۆ گەشەپێدانی توانای رێكخراوە مەدەنییەكان، ئەم خولەش بە یەكەم هەژماردەكرێت لە نێو كۆمەڵی خولەكانی كە ئەم ساڵ جێبەجێدەكرێت بۆ گەشەپێدانی دەزگاكانی كاركەر لە كۆمەڵگادا. بەرنامەكە تەواو داڕێژراوە و شەش خول لەخۆ دەگرێت بەم شێوەیە:

1-"قیبلەنامە" ڕێڕەوەكانی جیاكاری پیشەیی و كرداری لە كاری كۆمەڵگا.

2-"بەڕێوەبەری پارێزراو" بەهرەكانی كارگێڕی سەرەكی بۆ بەڕێوەبەرەكانی رێكخراوە خێرخوازییەكان.

3-بەڕێوەبردنی پڕۆژەكان Project Management.

4-دیزاین و نوسینی پرۆژەی گەشەپێدانەكانی پشت بەست بە ئەنجامەكان  Program PMP .

5- گەشەپێدان و بەردەوامی سەرچاوە داراییەكانی رێكخراوەكان (لە تاكەكان و كۆمپانیاكان و رێكخراوە نێو دەوڵەتیەكان و لە ڕووی ئەنتەرنێت) Results Based Management RBM.

6-گەشەپێدانی بەهرەی سەركردە بۆ سەركردایەتیكردنی كۆمەڵگای مەدەنی Leadership Development Program LDP.

شایانی باسە، ئەكادیمیای نێودەوڵەتی بۆ سەركردەو گەشەپێدان (IALD) یەكێكە لە دەزگاكانی كۆمەڵگای مەدەنی بێ لایەن، بە فەرمی لە توركیا تۆمار كراوە، بەرنامەی لە چەندین وڵاتدا هەیە، بەشداریدەكات لە دۆزینەوەی تواكان و دروستكردنی گەنجانی سەركردە، لە رووی رەخساندنی ژینگەیەكی پەروەردەیی و گەشەپێدانی تایبەتی، هەروەها هەوڵدەدات بۆ دابینكردنی هەلی خوێندن و رێنمایی و خزمەتی زانستی دەدات بە قوتابیە بەهرەمەندەكان و پلان دادەرێژێت و چاودێری بەرنامەی بەرەوپێشبردن و دەستپێشخەری گەنجان دەكات.