Mobile menu

دەزگای خێرخوازیی بارزانی رێز لە کۆمپانیای ''یسرا لتجارة العامة'' دەگرێت

 

موسا ئەحمەد سەرۆکی دەزگای خێرخوازیی بارزانی رێزی لە ئەحمەد ناجی حەسەن بەرێوەبەری گشتی کۆمپانیای  ''یسرا لتجارة العامة'' دەگرێت، بە هۆی هاوکارییە جۆراوجۆرەکانیان و کارە خێرخوازییەکانیان بۆ خەڵکی  ئاوارەی نەینەوا لە کەمپەکاندا.

 

ئەمڕۆ رێکەوتی ٨/٥/٢٠١٧ شاندێکی کۆمپانیای ''یسرا لتجارة العامة'' بە سەرۆکایەتی ئەحمەد ناجی حەسەن سەردانی دەزگای خێرخوازیی بارزانیان کرد و لەلایەن موسا ئەحمەد سەرۆکی دەزگای خێرخوازیی بارزانی پێشوازییان لێکرا.

 

لە دیداری نێوانیان باسی چۆنیەتی هاوکاریکردنی زیاتری ئاوارەکان کرا و تیشک خرایە سەر ئەو هاوکارییانەی کە کۆمپانیای ناوبراو لە ماوەی رابردوودا بە هاوکاری دەزگای خێرخوازیی بارزانی لە کەمپی ئاوارەکانی نەینەوا ئەنجامی داون. دەزگای خێرخوازیی بارزانی سوپاس و پێزانینی ئاراستە کردن و لە کۆتایی دیدارەکەدا خەڵاتی و رێزلێنانی بە خشیە کۆمپانیای ''یسرا لتجارة العامة'' و ئومێدی سەرکەوتنی بۆ خواستن.

 

شایەنی باسە کۆمپانیای  ''یسرا لتجارة العامة'' لە دەستپێکی هاتنی ئاوارەکانی نەینەواوە هەتا ئێستا هاوکاری دەزگای خێرخوازیی بارزانی کردووە لە دابینکردنی پێداویستییە جۆراوجۆرەکان بۆ ئاوارەکان و بەهۆی کارە خێرخوازییەکانیانەوە سەرۆکی دەزگای خێرخوازیی بارزانی رێزی لێنان.

جێگای ئاماژەیە کۆمپانیای  ''یسرا لتجارة العامة'' پێداویستییەکانی وەکوو ''نەوت، خواردن و شیری مداڵانی بۆ ئاوارەکان دابین کردووە.