منداڵە شەهیدان لە رۆژی جیهانی منداڵاندا کاتێکی شادی بەسەر دەبەن

دەزگای خێرخوازیی بارزانی و مەلەوانگەی ئەکواتارین بەبۆنەی رۆژی جیهانی پاراستنی منداڵان (رۆژی جیهانی منداڵان) کاتێکی شادییان بەخشییە منداڵە شەهیدانی سەنگەری بەرگری لە کوردستان و بەبێ بەرانبەر ٤٠٠ منداڵە شەهید لە ناوپارکی مەلەوانگەکەدا کاتێکی شادییان بەسەر برد.

 

ئەمڕۆ ١/٦/٢٠١٧ رۆژی جیهانی پاراستنی منداڵان ٤٠٠ منداڵە شەهیدی سەنگەری بەرگری لە کوردستان لە پارکی مەلەوانەگەی ئەکواتارین کاتێکی خۆشیان بەبێ بەرانبەر بەسەر برد و لەلایەن دەزگای خێرخوازیی بارزانییەوە دیارییان پێشکەش کرا.

 

دەزگای خێرخوازیی بارزانی لەم رۆژەدا لەسەرجەم کەمپەکانی بەڕێوەبەری دەزگادا چالاکی جۆراوجۆری بەڕێوەبردووە ئەمە بێجگە لەوەی چالاکی بەرفراوانی بۆ منداڵە شەهیدان لە پارکی ئەکواتارین بەڕێوەبرد.

 

رۆژی جیهانی پارێزگاری منداڵان لە هەندێ وڵاتانی جیهان و هەرێمی کوردستانیش بە رۆژی جیهانی منداڵان ناسراوە و لەو رۆژەدا چالاکی جۆراوجۆر بەمەبەستی رێنمایی دان لەسەر مافەکانی منداڵان و بەخشینی کاتێکی خۆش بەو منداڵانە بەڕێوەدەچن.