Mobile menu

ئێوارە شادییەک بۆ منداڵانی بێسەرپەرشت لە ماڵێک بۆ خەندە بەڕێوە دەچێت

لە رۆژی جیهانی پاراستنی منداڵاندا (رۆژی جیهانی منداڵان) دەزگای خێرخوازیی بارزانی ئێوارە خوانێک و ئێوارە شادییەکەی بۆ منداڵانی بێسەرپەرشت لە ماڵێک بۆ خەندە بەڕێوە برد.

 

رێکەوتی ١/٦/٢٠١٧ لە درێژەی چالاکییەکانی دەزگای خێرخوازیی بارزانی لە رۆژی جیهانی پاراستنی منداڵاندا، دەزگای خێرخوازیی بارزانی ئێوارە خوانێکی بۆ منداڵانی بێسەرپەرشت لە هەولێر پێکهێنا، پاش ئێوارە خوانەکە لەلایەن تیمەکانی دەزگای خێرخوازیی بارزانییەوە مەراسیمێکی خنجیلانە بۆ منداڵەکان بەڕێوەبرا.

 

لە سەرەتای  مەراسیمەکەدا رێنمای تەندرووستی و پاکوخاوێنی ددان پێشکەشی منداڵەکان کرا و دواتر   چەن پارچە موزیکێکی منداڵانە پێشکەش کرا.

 

جێگای ئاماژەیە لە کۆتای ئاهەنگەکەدا دیاری لەلایەن دەزگای خێرخوازیی بارزانییەوە پێشکەشی منداڵانی خانەی ماڵێک بۆ خەندە کرا.

 

هەروەها دەزگای خێرخوازیی بارزانی لە ژمارەیەک کەمپی ئاوارەو پەنابەراندا ئاهەنگ و شادی بۆ منداڵان بەڕێوە برد، ئەو کەمپانەش بریتین لە کەمپەکانی (قوشتەپە، کەورگۆسک، هەرشەم، باسرمە، باریکە، دۆمیز، قادیا، دیبەگە، دەرکار عەجەم، باجید کەندال، دارەشەکران).

 

...