Mobile menu

دەزگای خێرخوازیی بارزانی دەستەیەكی راوێژکاری لە ئەمریكا دامەزراند

بەمەبەستی ناساندی دەزگای خێرخوازیی بارزانی و گەیاندنی پەیامی مرۆڤدۆستی تاکی کورد و ئەو نەهامەتییانەی بەسەر گەلانی ناوچەکەدا هاتووە، دەستەیەکەی راوێژکاری دەزگای خێرخوازییی بارزانی لە ئەمریکا دامەزرا.

 

دوای وەرگرتنی مۆڵەتی كاركردن لە ئەمریكا، دەزگای خێرخوازیی بارزانی لە رێكەوتی ٢٥/٠٧/٢٠١٧ بە سەرپەرشتی ئاوات مستەفا بەڕێوەبەری پەیوەندییەكانی دەزگا لە شاری دالاس دەستەیەكی راوێژکاری راگەیاند، ئەم دەستەیە لە چەندین كەسایەتی کورد و ئەمریکی و دوو پرۆفیسۆر پێکهاتووە.

 

كاری ئەم دەستەیە ناساندنی ''دەزگای خێرخوازیی بارزانی''یە لە ئەمریكا و گەیاندنی پەیامی مروڤدۆستی و خۆبەخشی خەڵكی كوردستانە لە پێناو مرۆڤایەتی بە گەلی ئەمریكا.

ئەندام بوون لەم دەستەیە كراوەیە و هەر هاوڵاتییەكی كورد لە هەرکام ویلایەتەکان بێت و دەتوانێت تیایدا خزمەت بكات.

 

دەزگای خێرخوازیی بارزانی دەیەوێت دەنگی لێقەوماوانی ناوچەكە بە دونیا بناسێنێت و لە قۆناغی داهاتووشدا بۆ ئەو مەبەستە، كۆبوونەوەیەكی فراون بە بەشداری سەرۆكی دەزگای خێرخوازیی بارزانی رێک دەخات لەگەڵ ئەندامانی دەستەی راوێژکاری و خۆبەخشانی دەزگا لە ئەمریكا.