ئەمینداری گشتی دەستەی فریاكەوتنی ئیسلامی جیهانی سەردانی دەزگای خێرخوازیی بارزانی دەکات
Mobile menu

ئەمینداری گشتی دەستەی فریاكەوتنی ئیسلامی جیهانی سەردانی دەزگای خێرخوازیی بارزانی دەکات

وەفدێكی پایە بەرزی دەستەی فریاكەوتنی ئیسلامی جیهانی سەردانی دەزگای خێرخوازیی بارزانی دەكات و تیشك دەخەنە سەر کاری هاوبەش و چۆنیەتی گەیاندنی یارمەتی جۆراوجۆری زیاتر بۆ ئاوارە و پەنابەران.

 

لە رێكەوتی ١/٨/٢٠١٧ حسن شەحبەر ئەمینداری گشتی دەستەی فریاكەوتنی ئیسلامی جیهانی و دكتۆر عەبدولكەریم ئەلموسی بەرێوەبەری هەرێمی دەستەی فریاكەوتنی ئیسلامی سەردانی نوسینگەی (دەزگاری خێرخوازیی بارزانی)یان لە هەولێر کرد و لەلایەن موسا ئەحمەد سەرۆكی دەزگای خێرخوازیی بارزانی پێشوازییان لێ كرا.

 

هەردوولا باسی گەیاندنی یارمەتی بەپەلەیان كرد بۆ ئاوارە و پەنابەران و لەو بارەیەوە بیروبۆچونیان گۆڕییەوە چۆنیەتی گەیاندی یارمەتی بۆ ئاوارەكان و یەنابەرەكان تاوتوێ کرد.

 

دواتر وەفدی میوان سەردانی كەمپی ئاوارەکانیان لە سنوری ئیدارەی پارێزگای هەولێر کرد. بەمەبەستی بەسەر کردنەوە و بینینی بارودۆخی ئاوارەکان و ئەو پێداویستییانەی کە پێویستییان پێیە سەردانی هەریەك لە بنكەی تەندروستی و چاودێری بێ باوكان و قوتابخانەكانیان لە كەمپەکانی (خازر، حەسەنشام و ...هتد)یدا کرد.

 

هەر لە هەمان رۆژدا بۆ جاری دووەم لە كاتژمێر ٨ی شەو دەزگای خێرخوازیی بارزانی و دەستەی فریاكەوتنی ئیسلامی جیهانی کۆبوونەوە و پاش بینینی رەوشی ئاوارەکان تاوتوێی بارودۆخی ئاوارە و پەنابەرانیان كرد و باسیان لەمیکانیزمی چۆنیەتی گەیاندنی هاوکارییەکان کرد.