Mobile menu

یادی لە دایکبوونی بارزانی نەمر بەرز راگیردرا

Barzan 14.3.20183

دەزگای خێرخوازیی بارزانی پێشوازیی لە بنەماڵەی شەهیدان، بنەماڵەی ئازیزان، کۆنسوڵگەریی کوێت، رێکخراوی جیهانیی و ناوچەییەکان و خێرخوازان کرد و پێكەوە تاجەگوڵینەیان بەبۆنەی یادی لەدایک بوونی باوكی رۆحی نه‌ته‌وه‌یی كورد(بارزانیی نەمر) لەسەر مەزاری نەمران دانا.

 

Barzan 14.3.20185 بارزانیی نەمر رێکەوتی ١٤ی ئازاری ١٩٠٣ لە دایک بووە و لەم یادە پیرۆزەدا دەزگای خێرخوازیی بارزانی پێشوازی لە بەڕێز عومەر ئەلکەندەری سەرکۆنسوڵی وڵاتی کوێت، بنەماڵەی شەهیدان، بنەماڵەی ئازیزان، رێکخراوی جیهانیی و ناوچەییەکان و خێرخوازان لەسەر مەزاری نەمران کرد و پێكه‌وه‌ تاجەگوڵینەی رێز و وه‌فادارییان لەسەر مەزاری باوکی رۆحی نەتەوەیی کورد بارزانیی نەمر و كاکە ئیدریسی هه‌میشه‌ له‌یاد، دانا.

 

له‌ مه‌راسیمێكی گه‌وره‌دا، لە ١١٥یەمین ساڵیادی لە دایکبوونی بارزانيی نەمردا کارمەندانی دەزگای خێرخوازیی بارزانی هاوشان لەگەڵ هاوکارانییان لە کارە مرۆییەکاندا و خێزانی شەهیدان و ئازیزان، دەڤەری بارزان و مەزاری نەمرانیان بەسەر کردەوە. بەرێز موسا ئەحمەد سەرۆکی دەزگای خێرخوازیی بارزانی بە ناوی هەموو کارمەندانی دەزگاوە بەڵێنی وەفاداربوون بە رێبازی بارزانيی نەمری دووپاتكرده‌وه و گوتی: فەلسەفەی کارکردن و مرۆڤدۆستی بارزانیی نەمر وایکردووە کە ئێمە شوێنێکی تایبەتمان هەبێت لە کاری مرۆییدا. لەم رۆژەدا لەگەڵ رۆحی پاکییان پەیمان نوێ دەکەینەوە کە لەسەر رێبازە پیرۆزەکەیان بەردەوام بین و هەنگاوی توندتر هەڵبگرین بۆ پێشەوە بۆ خزمەتی مرۆڤایەتی''.

 

 

لە سەردانەکەدا نوێنەری خێزانی شەهیدان و خێزانی منداڵانی ئازیز و کۆنسوڵگەری وڵاتی کوێت و خێرخوازان هاوشان لەگەڵ کارمەندان و خۆبەخشانی دەزگای خێرخوازیی بارزانی تاجە گوڵینەی رێز و وەفادارییان لەسەر مەزاری نەمران دانا.