Mobile menu

لە رۆژی جیهانی کتێبدا پێشانگایەک لە هەولێر دەکرێتەوە

kteb hawler 24.4.2018 3

دەزگای خێرخوازیی بارزانی بە پیشاندانی نامیلکە و برۆشۆر و چاپکراوەکانی چالاکییەکانی، بەشداری لە پێشانگای کتێبدا کرد کە بەبۆنەی رۆژی جیهانی کتێبەوە لە شاری هەولێر بەڕێوەچوو.

 

رێکەوتی ٢٣/٤/٢٠١٨ رۆژی جیهانی کتێبە و لەم رۆژەدا لە شاری هەولێر پێشانگایەکی کتێب لە  كتێبخانه‌ی زه‌یتوون بە به‌شداربوونی كونسوڵی كۆری و رێكخراوی بڕیار و گۆڤاری سه‌نگه‌ر و پێشمه‌رگه‌ چه‌ند لایه‌نه‌كی تر و دەزگای خێرخوازیی بارزانی کرایەوە.

 

جێگای ئاماژەیە بەرهەمەکانی دەزگای خێرخوازیی بارزانی لەلایەن بەشداربووانەوە خواستێکی زۆری لەسەر بووە و کاروچالاکییەکانی ئەم دەزگایە بەرز نرخێندران کە لە ماوەی ١٣ ساڵی کارکردنیدا خزمەتی ئاوارە و پەنابەران و خەڵکی کەمدەرامەتی هەرێمی کوردستانی کردووە.

 

٢٣ی ئەپرێلی هەموو ساڵیک لە لایەن رێکخراوی UNESCOەوە وەکوو رۆژی جیهانی کتێب دیاری کراوە و بەمەبەستی پشتیوانی کردنی خوێندنەوە و بڵاوکردنەوە و مافی خاوەنداریەتی.