Mobile menu

کەلوپەلی ناوماڵە بۆ ٢٥٠ خێزان دابین دەکرێت

AKRE 14.2.20182

دەزگای خێرخوازیی بارزانی و رێکخراوی فریاکەوتنی ئیسلامی لە جیهاندا کەلوپەل و پێداویستی ناوماڵەیان پێشکەش بە ٢٥٠ خێزانی پەنابەر کرد.

 

رۆژی چوارشەممە رێکەوتی ١٤/٢/٢٠١٧ تیمەکانی دەزگای خێرخوازیی بارزانی چالاکییەکیان لە کەمپی پەنابەرانی سەری لە ئاکرێ بەڕێوەبرد، چالاکییەکە بە هاوکاری رێکخراوی فریاکەوتنی ئیسلامی بەڕێوەچوو و تیایدا پێداویستی ناوماڵە پێشکەش بۆ ٢٥٠ خێزانی پەنابەر کرا.

 

پێداویستییەکان پێکهاتبوون لە (دۆشەک، بەتانی، سەرین و خاوێنکەرەوە) و لەلایەن رێکخراوی فریاکەوتنی ئیسلامییەوە دابین کرابوون و تیمەکانی دەزگای خێرخوازیی بارزانی پێشکەشی خێزانەکانیان کرد.