Mobile menu

لە شارۆچکەی بەردەڕەش کەلوپەلی ناوماڵە بۆ ٧٥٦ خێزانی پەنابەر دابین دەکرێت

bCF with IRF 17.2.2018

دەزگای خێرخوازیی بارزانی و رێکخراوی فریاکەوتنی ئیسلامی لە جیهاندا کەلوپەل و پێداویستی ناوماڵەیان پێشکەش بە ٧٥٦ خێزانی پەنابەر لە شارۆچکەی بەردەڕەش کرد.

 

رۆژی چوارشەممە رێکەوتی ١٥/٢/٢٠١٨ تیمەکانی دەزگای خێرخوازیی بارزانی چالاکییەکیان بە هاوکاری رێکخراوی فریاکەوتنی ئیسلامی لە جیهاندا لە کەمپی گەویلانی پەنابەرانی سوری لە شارۆچکەی بەردەڕەش بەڕێوەبرد. لە چالاکییەکەدا پێداویستی ناوماڵە پێشکەش بە ٧٥٦ خێزانی پەنابەر کرا.

 

پێداویستییەکان پێکهاتبوون لە (دۆشەک، بەتانی، سەرین و خاوێنکەرەوە) و لەلایەن رێکخراوی فریاکەوتنی ئیسلامییەوە دابین کرابوون و تیمەکانی دەزگای خێرخوازیی بارزانی پێشکەشی خێزانەکانیان کرد.