Mobile menu

لەگەڕی سێهەمی هاوکارییەکاندا ١٢٨ خێزانی عەفیرن پێداویستی وەردەگرن

afrin 5.7.2018

دوای تێکچوونی بارودۆخی شاری عەفرینی رۆژئاوای کوردستان، بەشێک لە دانیشتوانی شارەکە دوای هەوڵ و ماندوبونێکی زۆر توانیویانە خۆیان بگەیەننە سنوری هەرێمی کوردستان و ئێستا لە پارێزگای هەولێر نیشتەجێن.

 

afrin 5.7.20181 دەزگای خێرخوازیی بارزانی هەر لەگەڵ هاتنی یەکەم دەستەی پەنابەرانی عەفرین، بە پێشوازییانەوە چووە و کۆمەک و هاوکاری گەیاندووە پێیان. پاش زیادبوونی ژمارەی پەنابەران لە هەولێر دەزگای خێرخوازیی بارزانی لە رێگەی فۆرمی تایبەتەوە ناوی خێزانەکانی شاری عەفرینی کۆکردەوە و لە هەڵمەتێکی خێرخوازیدا بە هاوکاری دەوڵەتی ئیمارات بۆ جاری سێهەم هاوکاری پێشکەش کردن.

 

رێکەوتی ٥/٧/٢٠١٨ دەزگای خێرخوازیی بارزانی بە هاوکاری دەوڵەتی ئیمارات، کاروانێکی دیکەی هاوکارییان بۆ ١٢٨ خێزانی عەفرین دابین کرد. هاوکارییەکانی دەزگای خێرخوازیی بارزانی و دەوڵەتی ئیمارات پێکهاتبوون لە موبەریدە و پێداویستی خۆراکی و تەندرووستی.

 

بەڕێز ئیسماعیل عەبدولعەزیز بەرپرسی بەشی هاوکارییەکانی دەزگای خێرخوازیی بارزانی گوتی:'' هەوڵمانداوە لەم وەرزەی گەرمادا گرنگترین پێداویستییەکانی خێزانەکان دابین بکەین و بەو مەبەستەش موبەریدە و پێداویستییەکانی وەکوو خۆراکی و تەندرووستیمان گەیاندووەتە خێزانەکانی عەفرین''.