Mobile menu

٤٢٤ خێزان لە سلێمانی ئامێری گەرم کردنەوەیان وەرگرت

دەزگای خێرخوازیی بارزانی بە هەماهەنگی دەوڵەتی کوێت ٤٢٤ ئامێری گەرم کەرەوەی بۆ پەنابەرانی نیشتەجێی کەمپی عەربەت لە سلێمانی دابین کرد.

 

رێکەوتی ٧/٢/٢٠١٧ دەزگای خێرخوازیی بارزانی و دەوڵەتی کوێت ئامێری گەرم کەرەوەی نەوتییان بۆ خێزانە پەنابەرەکانی رۆژئاوای کوردستانی نیشتەجێ لە کەمپی عەربەت دابین کرد. لەو هەڵمەتە خێرخوازییەدا ٤٢٤ خێزانی کەمپەکە سوودمەند بوون.

 

جێگای ئاماژەیە کەمپی عەربەت تایبەتە بە پەنابەرانی رۆژئاوای کوردستان و دەزگای خێرخوازیی بارزانی بەردەوامە لە پێشکەشکردنی هاوکارییە جۆراوجۆرەکانی بۆ ئاوارە و پەنابەران و خەڵکی کەم دەرامەتی هەرێمی کوردستان.

 

بەهۆی وەرزی زستانەوە پەنابەران زیاتر پێویستیان بە ئامێرەکانی گەرم کەرەوە و سوتەمنی دەبێت و دەزگای خێرخوازیی بارزانیش لەم هەڵـەتەدا بەشێکی پێداویستی پەنابەرانی کەمپی عەربەتی پڕکردەوە.