Mobile menu

قوتابییانی بەشەناوخۆییەکانی پۆلەتەکنیکی سلێمانی هاوکارییان پێشکەش دەکرێت

slemani 26.2.2018 2

پاش ئەوەی لە کۆنگرەیەکی رۆژنامەوانیدا دەزگای خێرخوازیی بارزانی هەڵمەتێکی دیکەی هاوکارییەکانی راگەیاند، تیمەکانی دەزگای خێرخوازیی بارزانی لە پارێزگای سلێمانی هاوکاریی خۆراکی و تەندرووستیان گەیاندە ٢٥٠٠ قوتابی بەشەناوخۆییەکانی زانکۆی پۆلەتەکنیکی سلێمانی.

 

slemani 26.2.2018 1 رێکەوتی ٢٦/١/٢٠١٨ ئۆفیسی سلێمانی دەزگای خێرخوازیی بارزانی لە دەستپێکی هاوکاریکردنی قوتابییانی بەشەناخۆییەکانی کوردستان هاوکارییەکانی لە چوارچێوەی ئەو پرۆژەیەدا گەیاندە قوتابییانی بەشەناوخۆییەکانی زانکۆی پۆلەتەکنیکی سلێمانی. کە تیایدا ٢٥٠٠ قوتابی لە ٥٠٠ ژووری بەشەناوخۆییەکان سودمەند بوون.

 

جێگای ئاماژەیە دوێنی رێکەوتی ٢٥/٢/٢٠١٨سەرۆکی دەزگای خێرخوازیی بارزانی لە کۆنگرەیەکی رۆژنامەوانیدا لە پارێزگای هەولێر پرۆژەی هاوکاری کردنی ٤٦٩٧٦ قوتابی بەشەناوخۆییەکانی کوردستانی راگەیاند.

 

بەڕێزیان لە کۆنگرەکەدا وتیان: ''ئێمە لە دەزگای خێرخوازیی بارزانی ساڵانە لە بیرەوەری نەمراندا، نەمر مستەفا بارزانی و کاک ئیدریسی جوانە مەرگ، هەمیشە هەوڵمان داوە وەکوو ئەرکێک لە خزمەتی خەڵکی خۆشەویستی کوردستاندا بین بە تایبەتی ئەو خۆشەویستانەی پێویست دەکات ئاوڕییان لێ بدرێتەوە و خزمەتی زیاتریان بکرێت''. موسا ئەحمەد لە درێژەی وەتەکانیدا وردەکاری چۆنییەتی بەڕێوەچوونی هەڵمەتی هاوکارییەکانی دەزگای خێرخوازیی بارزانی روونکردەوە و گوتی: ''ئەمساڵ بە دیراسەکردنی خۆمان وەکوو دەزگای خێرخوازیی بارزانی و لە بەرچاوگرتنی داخاوازی لایەنە پەیوەندی دارەکان لە زانکۆکان و یەکەیەتی قوتابیانی کوردستان و رێکخراوەکانی دیکەی قوتابیان، بۆ ئەم بیرەوەرییەی نەمران لە خزمەت ئێوەی خۆشەویستدابین . ئەم هەڵمەتەی دەزگای خێرخوازیی بارزانی ٤٦٩٧٦ قوتابی لێی سودمەند دەبن، کە دابەش بوون بەسەر ١١٧٤٤ ژووری بەشەناوخۆییەکان''.

 

دەزگای خێرخوازیی بارزانی ساڵانە لە یادی نەمراندا (بارزانی نەمر و کاک ئیدریسی جوانەمەرگ) هەڵمەتی بەرفروانی هاوکاری کردنی خەڵکی کەمدەرامەتی کوردستان بەڕێوەدەبات و ئەمساڵیش لە هەڵمەتێکی سەرتاسەریدا هاوکاری ٤٦٩٧٦ قوتابی بەشەناوخۆییەکانی سەرتاسەری کوردستان دەکات.