Mobile menu

هاوکارییەکانی دەزگای خێرخوازیی بارزانی گەیشتە زانکۆی کۆیە

Koya 3.1.2018 2

لە درێژەی هەڵمەتی هاوکارییەکانی دەزگای خێرخوازیی بارزانی بۆ قوتابیان، تیمەکانی دەزگای خێرخوازیی بارزانی لە شارۆچکەی کۆیە هاوکاریی خۆراکی و تەندرووستیان گەیاندە ٢٩٠٠ قوتابی هەر ٥ بەشەناوخۆیی زانکۆی کۆیە.

 

Koya 3.1.2018 1 رێکەوتی ٢٨/٢/٢٠١٨ دەزگای خێرخوازیی بارزانی لە هەڵمەتی هاوکاریکردنی قوتابییانی بەشەناخۆییەکانی کوردستان هاوکاری گەیاندە قوتابییانی بەشەناوخۆییەکانی زانکۆی کۆیە. کە تیایدا ٢٩٠٠ قوتابی لە ٨٢٥ ژووری بەشەناوخۆییەکان سودمەند بوون.

 

جێگای ئاماژەیە رێکەوتی ٢٥/٢/٢٠١٨سەرۆکی دەزگای خێرخوازیی بارزانی لە کۆنگرەیەکی رۆژنامەوانیدا لە پارێزگای هەولێر پرۆژەی هاوکاری کردنی ٤٦٩٧٦ قوتابی بەشەناوخۆییەکانی کوردستانی راگەیاند، دوابەدوای ئەوەش لە پارێزگاکانی هەولێر و سلێمانی و دهۆک هەڵمەتەکە دەستی پێکرد، کە بە تێکڕا قوتابییانی ١٤ زانکۆ لە هەرێمی کوردستان سودمەند دەبن.

 

دەزگای خێرخوازیی بارزانی ساڵانە لە یادی نەمراندا (بارزانی نەمر و کاک ئیدریسی جوانەمەرگ) هەڵمەتی بەرفروانی هاوکاری کردنی خەڵکی کەمدەرامەتی کوردستان بەڕێوەدەبات و ئەمساڵیش لە هەڵمەتێکی سەرتاسەریدا هاوکاری ٤٦٩٧٦ قوتابی بەشەناوخۆییەکانی سەرتاسەری کوردستان دەکات.