Mobile menu

لە یادی هەڵەبجەی شەهیددا ١٥٨ منداڵە شەهید هاوکاری کران

دەزگای خێرخوازیی بارزانی لە چوارچێوەی قۆناغی سێیەمی پرۆژەی چاودێری ئازیزاندا بە سپۆنسەری وڵاتانی سعودیە و کوێت هاوکاری مانگانە بۆ ٥ هەزار منداڵە شەهیدی دەستی تیرۆرستانی داعش دابەش دەکات.

 

ئەمڕۆ رێکەوتی ١٦ی ئاداری ٢٠١٧ لە یادی کیمیا بارانکردنی هەڵەبجەدا و شەهید بوونی ٥ هەزار هاوڵاتی بێ گوناحی ئەو شارە بە ئامادەبوونی د. عومەر ئەلکەندەری سەرکۆنسۆڵی گشتی کوێت، هاوکاری ماددی پێشکەشی ١٥٨ منداڵە شەهیدی دەستی تیرۆریستانی داعش لە هەڵەبجە کرا و لە داهاتووشدا مانگانە لە چوار چێوەی پرۆژەی چاودێری ئازیزاندا هاوکارییەکان بۆ ئازیزەکان بەردەوام دەبێت.

جێگای ئاماژەیە بۆ هەر خێزانێکیش پارسێلی خۆراک دابین کرا و رێز لە یادی شەهیدانی کوردستان بەتایبەتی شەهیدانی هەڵەبجە گیرا.

 

پرۆژەی چاودێری ئازیزان لە ساڵی ٢٠١١ بە سپۆنسەری مانگی سووری ئیماراتی و وڵاتانی کوێت و سعودیە و کەسانی خێرخوازیی هەرێمی کوردستان لەلایەن (دەزگای خێرخوازیی بارزانی)یەوە دامەزراوە، هەتا ئێستا ١٧ هەزار منداڵی بێباوک (ئازیز) لەو پرۆژەیە سودمەند بوون.