Mobile menu

لە سلێمانی ٧٤١ ئازیز هاوکارییان پێشکەش کرا

دەزگای خێرخوازیی بارزانی بە سپۆنسەری دەوڵەمەند و خاوەنکار و کۆمپانییاکانی کوردستان، هەڵمەتێکی دیکەی پرۆژەی چاودێری ئازیزانی بەڕێوەبرد و لە شاری سڵیمانی ٧٤١ منداڵی بێباوک (ئازیز) هاوکاری کران.

 

رێکەوتی ١٦ی نیسانی ٢٠١٧ دەزگای خێرخوازیی بارزانی هەڵمەتێکی دیکەی پرۆژەی چاودێری ئازیزانی بە سپۆنسەری دەوڵەمەند و خاوەنکار و کۆمپانییاکانی کوردستان راگەیاند و لەم هەڵمەتەدا ٣٥٠١ منداڵی بێباوک (ئازیز) سوودمەند دەبن و ٧٤١ منداڵییان لە سنووری پارێزگای سلێمانین.

 

پرۆژەی چاودێری ئازیزیان لە ساڵی ٢٠١١ لەلایەن دەزگای خێرخوازیی بارزانییەوە دامەزراوە و هەتا ئێستا ١٧ هەزار منداڵی بێباوک مووچەیان بە سپۆنسەری مانگی سووری ئیماراتی و وڵاتانی کوێت و سعودیە و دەوڵەمەندان و خاوەنکار و کۆمپانیاکانی کوردستان، بۆ دابین کراوە.