لە سەیدسادق و دەربەندیخان ٣٢١ منداڵ هاوکاری کران

دەزگای خێرخوازیی بارزانی بە هاوکاری دەوڵەمەندان و خاوەن کۆمپانیاکانی کوردستان هەڵمەتێکی دیکەی هاوکارییەکانی لە چوارچێوەی پرۆژەی چاودێری ئازیزاندا بۆ منداڵانی بێباوکی سەرتاسەری هەرێمی کوردستان بەڕێوەبرد.

 

ئەمڕۆ رێکەوتی ١٨ی نیسانی ٢٠١٧ دەزگای خێرخوازیی بارزانی هاوکاری ماددی لە چوار چێوەی پرۆژەی چاودێری ئازیزاندا پێشکەشی ٣٢١ منداڵی بێباوک (ئازیز)ی سنووری سەیدسادق و دەربەندیخان کرد.

 

لەم قۆناغەی پرۆژەی چاودێری ئازیزاندا ٣٥٠١ منداڵ سوودمەند دەبن و مانگانە بۆ ماوەی پێنج مانگ هاوکارییان بۆ دابین دەکرێت، لە سنووری سەیدسادق ١٢٩ ئازیز و لە سنووری دەربەندیخان ١٩٢ ئازیز هاوکارییەکانی دەزگای خێرخوازیی بارزانییان پێگەیشت.