لە چەند سمینارێکدا رێنمایی پێشکەشی خاوەن پێداویستییانی تایبەت دەکرێت

دەزگای خێرخوازیی بارزانی و دەزگای LDSی ئەمریکی لە چوارچێوەی پرۆژەیەکی هاوبەشدا دوو سمینار بۆ خاوەن پێداویستییانی تایبەت لە کەرکووک و ئاکرێ پێک دەهێنن و لە کۆتایی سمینارەکاندا پێداویستی بۆ ٤٦ خاوەنپێداویستی تایبەت دابین دەکەن.

 

رێکەوتی ٢٣/٥/٢٠١٧ دەزگای خێرخوازیی بارزانی و LDS چالاکییەکییان بۆ خاوەنپێداویستییانی تایبەت لە کەرکووک بەڕێوەبرد، لە چالاکییەکەدا سمینارێک لەسەر چۆنیەتی بەکار هێنانی کەلووپەلەکانی خاوەن پێداویستییانی تایبەت بەڕێوەچوو و رێنمایی بە بەشداربووان درا لەسەر چۆنیەتی هەڵسوکەوت کردن لەگەڵ خاوەن پێداویستییانی تایبەتدا.

 

هەروەها رۆژی پێشتریش تیمی دەزگای خێرخوازیی بارزانی لە ئاکرێ سیمانرێکی هاوشێوەیان بە هەماهەنگی LDS بەڕێوەبرد و لە هەردوو چالاکییەکەدا ٤٦ خاوەن پێداویستی تایبەت هاوکاری کران و پێداویستییەکانی (ویلچەیر، عەگازە، عەرەبانە و ...هتد) بۆ دابین کرا.

 

پرۆژەی دابینکردنی ویلچەیر بۆ خاوەن پێداویستیانی تایبەت لە رێکەوتی ١٨/٢/٢٠١٥ لەلایەن دەزگای خێرخوازیی بارزانی و LDSی ئەمریکییەوە خرایە بواری جێبەجێکردنەوە.