ئەرک و مافی خۆبەخش

.........................................................................................

ئەرکی خۆبەخش لە دەزگای خێرخوازیی بارزانی

١- هەر خۆبەخشێک پێویستە کارنامەی بەڕێوەبردن و ئۆپەراسیۆنی خۆبەخشانە بەوردی بخوێنێتەوە و پەسەندی بکات.

٢- خۆبەخشەکان بەو کاروبارانە هەڵدەستن کە بەڕێوەبەرایەتی دەزگای خێرخوازیی بارزانی بۆی دیاریکردوون. لە کاتی دەستنیشانکردنی کاردا، دەبێ بەهرە و کارامەیی خۆبەخشەکە بە هەند هەڵبگیردرێ

٣- خۆبەخش پێویستە باوەڕی تەواوی بە بنەماکانی کاری مرۆیی هەبێت

٤- لە کاتی بەڕێوەبردنی کارەکانیدا، رێز لە هەموو چین و توێژ و بیروبۆچوونەکان بگرێت و کەسایەتییەکی هێمن و لەسەر خۆی هەبێ

٥- خۆبەخش دەبێت پابەند بێت بەو گرێبەستەی لەگەڵ دەزگای خێرخوازیی بارزانی هەیەتی

مافی خۆبەخش لە دەزگای خێرخوازیی بارزانی

١- هەموو خۆبەخشەکان بەڕێز و شایستەوە مامەڵەیان لەگەڵدا دەکرێ، لەو کاتەی لەگەڵ کاروکردەوەی دەزگای خێرخوازیی بارزانی دا بەشدارن.

٢- بنەمانکانی پابەندبوون بە فرەکلتووری، دەرفەتی یەکسان و یەکسانی رەگەزی لە ماوەی وەرگرتن وەکوو خۆبەخش لەلایەن دەزگای خێرخوازیی بارزانی‌یەوە پەیڕەو دەکرێت

٣- راهێنان و کەرەستەی کار: دەزگای خێرخوازیی بارزانی هەموو شتە پێویستەکانی راهێنان و کار لە مەیدانی کارەکەدا دەستەبەر دەکا.

 ٤- لە کۆتایی ئەرکی خۆبەخشیدا بڕوانامەی پێزانین دابەش دەکرێ و تێیدا رەنگدانەوە کار و بەشداری خۆبەخشەکە دەردەخات، ئەمەش بە ئامادەبوونی سەرۆکی دەزگا ین ئەندامێکی پلە باڵای بۆردەوە خەڵات دەکرێت.

٥- هەموو خۆبەخشێک زانیاری شایستە و راهێنانی پێویستی دەدرێتێ تا خۆی بۆ راپەڕاندنی کارەکانی ئامادەبکات و سەرکەوتن لە راهێنانەکەیدا دەبێتە مەرجێک بۆ راییکردنی کاروباری خۆبەخشانەکەی لە نێو بازنەی کاری دەزگادا.

٦- خۆبەخشەکان لەکاتی راپەڕاندنی کارەکانیان لە نێو دەزگای خێرخوازیی بارزانی سەرپەرشتینامەی شایستەی خۆیان پێدەدرێت.

 ٧- دوای تەواوبوونی کار و نیشانەی رەزامەندبوون سەبارەت بە هەر خۆبەخشێک، دەکرێ خۆبەخشەکە داوای کارێک لە دەزگا بکات. ئەمەش لە کاتێکدا دەبێت ئەگەر هاتوو پێگەیەک لە نێو دەزگاکەدا یاخود هەر بەرنامە و پڕۆژەیەکی ژێر سەرپەرشتی دەزگا بەردەست بێت.

٨- هەموو خۆبەخشێک ئەو تێچوونە سەلمێندراوانەی ماوەی راهێنانی چالاکییەکانی خۆی پێدەدرێتەوە کە لە نێو کارنامەی قەرەبووکردنەوەی تێچووەکاندا هاتووە.

٩- خەرجی گواستنەوە: گواستنەوەی لە ئۆفیسەکانی دەزگای خێرخوازیی بارزانی‌یەوە بۆ سەر شوێنی کار و بە پێچەوانەشەوە، لە ئەستۆی خودی دەزگاکەدایە. لە بارودۆخێکیشدا کە هیچ هۆکارێکی گواستنەوە لە دەزگادا بەردەست نەبوو، دەزگا بەرپرسیارە لە قەرەبووکردنەوەی تێچوونی گواستنەوەی هەر خۆبەخشێک.

١٠- ژەمی خواردن و مانەوەی شەوانە: ئەمەش ئەگەر پێویست بکا لە لایەن دەزگاکەوە دابین دەکرێ، هەرچەندە پەسەندنامەی پێشوەختە بۆ ئەو قەرەبووکردنەوانە پێویستە.

١١- بۆ بژاردنەوەی مردن و بریندارەکان: دەزگای خێرخوازیی بارزانی خەرجی بە خاکسپاردنی مردوو بە بڕی (١٥٠٠٠٠٠) دیناری عێراقی بۆ ئەوانە دەکاتەوە کە لە کاتی رایکردنی کارەکاندا گیان لە دەست دەدەن. لە باری مردنێک لە دەرەوەی وڵات بێ و باسوخواسی هێنانەوەی تەرمی خۆبەخشەکە لە ئارادا بێ، ئەوا دەبێ برینداربوون یان مردنەکە لە رێی دەزگای بیمەیەکی سەربەخۆ لە دەرەوەی عێراق و هەرێمی کوردستانی عێراقەوە بسەلمێندرێ.

پەیوەندی بە ئێمەوە بکە

Feedback Form

ئێمە چی دەکەین؟

دەزگای خێرخوازیی بارزانی لە 11 سێکتەری جیاوازدا هاوکاری مرۆیی پێشکەشی ئاوارە، پەنابەر و خەڵکی هەژار و کەمدەرامەت دەکات

خۆراک

ده‌زگا به‌شیوه‌یه‌كی فراوان له‌م سێكته‌ره‌دا كارده‌كات، له‌كاتی كاره‌ساته‌كاندا خۆراكی ئاماده‌ و دواتر خۆراك وشك به‌سه‌ر ئاواره‌كان دابه‌ش ده‌كات، هه‌روه‌ها هه‌وڵی زیادكردنی به‌رهه‌می خۆراك ده‌دات له‌ رێگه‌ی راهێنان و خانووی پلاستیكی .

ناخۆراک

هه‌ر پێداویستیه‌كی رۆژانه‌ كه‌ بۆ ژیانی ئاسایی به‌كاربێت ده‌زگا هه‌ولی دابینكردنی ده‌دات بۆ كه‌م ده‌رامه‌تان، ( پێداویستی چیشتخانه‌، پێخه‌ف، هۆكاره‌كانی گه‌رم كردنەوە و ساردكردنەوە و جلوبه‌رگ و ...هتد) دەگرێتەوە

ئاو و ئاوه‌رۆ

بریتییە لە دابینكردنی ئاوی پاک بۆ ناوچه‌ زیان لێكه‌وتووه‌كان، دروستكردنی شه‌به‌كه‌ی ئاو لێدانی زێراب، دانانی توالێت، هه‌ڵمه‌تی پاكوخاوێن، بڵاوكردنه‌وه‌ی رۆشنبیری پاكوخاوێنی و دابه‌شكردنی پیداویستی پاكوخاوێنی .

پەروەردە

بریتییە لە دروستكردن و نۆژه‌نكردنه‌وه‌ی قوتابخانه‌، دابینكردنی پێداویستی خوێندنی ساڵانه‌ بۆ قوتابییان و بڵاوكردنه‌وه‌ی رێنمایی و هاندان و هاوكاریكردنی قوتابیان و ماموستایان بۆ بەردەوامی دان بە خوێندن.

هاوكاری كاش

پرۆژه‌ی چاودێری ئازیزان له‌ سالی 2012 ده‌ستی پێكردووه‌، هەتا ئێستا زیاتر لە ٢٠ هه‌زار منداڵ سودمه‌ندن لە وه‌رگرتنی هاوكاری مادی مانگانه‌،‌ هه‌روه‌ها لە پرۆژه‌ییەکی دیکە ئافره‌تانی بێسه‌رپه‌رشت مانگانه‌ هاوكاری وه‌رده‌گرن.

ژیانه‌وانی

ده‌زگا له‌ رێگه‌ی 19 سه‌نته‌ری رۆشنبیری و مه‌شقی پیشه‌ی سالانه‌ به‌ سه‌دان كه‌س به‌شداری پێده‌كات له‌ خوله‌كانی (كۆمپیوته‌ر، دورمان، مه‌جاری، به‌رهه‌م هێنانی خۆراك، كاری ده‌ستی و ...هتد) هه‌روه‌ها پڕۆژه‌كانی سیسته‌می (پاره‌ به‌رامبه‌ر كار) جێبه‌جێ ده‌كات بۆ كاركردن له‌ پڕۆژه‌كان .

ته‌ندروستی

دروستكردن و نۆژه‌نكردنه‌وه‌ی بنكه‌ی ته‌ندروستی و دابینكردنی پێداویستی ته‌ندروستی و هه‌ڵمه‌تی هۆشیاركردنه‌وه‌ی خۆپاراستن و دروستكردنی نه‌خۆشخانه‌ی گه‌رۆك كاری، هه‌روه‌ها له‌پرۆژه‌یه‌كی به‌رده‌وام كورسی جوڵاو به‌سه‌ر خاوه‌ن پێداویستی تایبه‌ت دابه‌ش ده‌كرێت.

پاراستن

گرنگی دان به‌ پاراستنی ئافره‌تان و مندالان له‌ رێگه‌ی سه‌نته‌ره‌كانی ده‌زگا له‌ ناو كه‌مپ و ده‌ره‌وه‌ی كه‌مپ، هه‌وڵدان بۆ دورخستنه‌وه‌ی خه‌لكی لێقه‌وماو له‌ كیشه‌ كۆمه‌لایه‌تیه‌كان و توندوتیژی ده‌رونی و جه‌سته‌ی .

كارگێڕی كه‌مپ

له‌سالی ٢٠١٤ دەزگای خێرخوازیی بارزانی یه‌كه‌م كه‌مپی لە پارێزگای هەولێر بەڕێوەبرد و هەتا ئیستا 14 كه‌مپ ‌ له‌لایه‌ن ده‌زگا ئیداره‌ كراوه و به‌رده‌وامه‌، دەزگا به‌شداره‌ له‌ كۆبوونه‌وه‌كانی هه‌ماهه‌نگی و به‌رێوه‌بردنی كه‌مپه‌كان .

پەناگە

دروستكردنی كه‌مپی ئاواره‌كان، نۆژه‌نكردنه‌وه‌ی خانوی ناوچه‌ وێرانبووه‌كانی جه‌نگ، دابه‌شكردنی چادر و دروستكردنی هۆڵی پێشوازی بۆ حه‌وانه‌وه‌ی كۆچبه‌ر و په‌نابه‌ران.

پرۆژەی تایبەت

ئەم سێکتەرە پێکدێت لە: دروسـتكردن و نۆژەنكردنـەوەی باڵەخانـە و راكێشــانی تــەزووی كارەبــا و خانـوو و هۆڵـی بۆنـەكان و سـەنتەری رۆشـنبیری و ...هتــد.،

ناونیشان

 

هەرێمی کوردستان- عێراق، هەولێر، هەولێری نوێ، شەقامی ١٢٠ مەتری، تەنیشت ماس سیتی

07515019400
info@bcf.krd
www.bcf.krd

هاوبەش & سپۆنسەرەکان

هاوبەش و سپۆنسەرەکانی دەزگای خێرخوازیی بارزانی بۆ ساڵی ٢٠١٨